له پېښو سره د مبارزې امادګۍ ملي ادارې سرپرست د رئیسانو او مرکزي کارکوونکو د کمپیوټري برنامو د ظرفیت لوړونې له بهیر څخه څارنه وکړه
نن سهار د شنبې په ورځ، محترم الحاج ملا نورالدین ترابي، له پېښو سره د مبارزې آمادګۍ ملي ادارې سرپرست، د دغې ادارې د رئیسانو او مرکزي کارکوونکو لپاره د کمپیوټري برنامو د ظرفیت لوړونې له بهیر څخه چې درې میاشتې مخکې پیل شوی و، څارنه وکړه.
محترم ترابي صاحب درې میاشتې مخکې یوه ځانګړې کمیټه ټاکلې وه، ترڅو د ادارې د رئیسانو او کارکوونکو د کمپیوټري برنامو د استفادې کچه وارزوي، او هغه مسئولین چې اړتیا یې لرله، د کمپیوټر مرکز ته چې له اوږدې مودې وروسته بېرته فعال شوی و، ور معرفي شوي ول، نن د درې میاشتني زدهکړیز بهیر تر بشپړیدو وروسته، د هغوی ارزونه په ریاست وار ډول د خپل دفتر په کچه وکړه.
د ادار ې سرپرست ټینګار وکړ چې په نننۍ نړۍ کې د کمپیوټر کارونه د ادارې د چارو د پرمخ وړلو او پر وخت د خدماتو وړاندې کولو لپاره ډېر اړین دي، او باید هر کارکوونکی د خپلې دندې له مخې دا مهارتونه زده کړي، ترڅو کارونه په چټک او منظم ډول تر سره شي.
نیټه: ۱۴۴۶/۰۹/۱۵
له پېښو سره د مبارزې آمادګۍ ملي اداره
