د کندهار ولایت له پېښو سره د مبارزې آمادګۍ ریاست ۱۰۶ کورنیو ته خوراکي او غیرخوراکي مرستې ووېشلې
د کندهار ولایت له پېښو سره د مبارزې آمادګۍ ریاست, له پېښو سره د مبارزې د ولایتي کمېسیون له پرېکړې سره سم, د سپین بولدک, ژړۍ او خاکرېز ولسوالیو اړوند د ۱۰۶ شهیدانو او معلولینو کورنیو ته خوراکي او غیرخوراکي مرستې ووېشلې.
۶ په دې لړۍ کې له سروې وروسته د سیمه ییزو مسؤلینو په شتون کې هرې کورنۍ ته ۱۰۰ کیلو اوړه, ۲۵ کیلو وریجې, ۵ لیټره غوړي, ۵ تختې کمپلې او همداراز هغو کورنیو ته چې د تېرو سېلابونو او اورلګېدو له امله زیانمنې شوي وې, هرې کورنۍ ته ۱۰۰ کیلو اوړه, ۲۵ کیلو وریجې, ۵ لیټره غوړي, ۶ تختې کمپلې, ۵ ژمنۍ البسې, ۲ جوړه څپلکې او ۱ پلاستیکي سطل ووېشل شو.
د یادونې وړ ده چې زیانمنو او معلولینو له دې مرستو خوښي څرګنده کړه او له خیریه بنسټونو وغوښتل چې د ژمي په فصل کې له هغوی سره نورې مرستې هم وکړي.
نیټه: ۱۴۴۶/۶/۲۰
له پېښو سره د مبارزې آمادګۍ ملي اداره
