۳۳۵ زیانمنو کورنیو په ننګرهار ولایت کې خوراکي مرستې ترلاسه کړې
![news image](/sites/default/files/2023-06/whatsapp_image_2023-06-17_at_12.09.22_pm.jpeg)
ننګرهار- د غبرګولي ۲۷مه-۱۴۰۲
د WFP په مالي ملاتړ د RRDPO موسسي د ننگرهار ولایت پېښو سره د مبارزې ریاست سره په همغږي، د یاد ولایت په کامه، بټي کوټ، سپین غر، سره رود، دره نور، ګوشته، شیرزاد، اچین، چپرهار، هسکه مینه، کوز کونړ، مهمند دره، غنی خېل، نازیان، پچیراګام، رودات ولسوالیو او مرکز جلال آباد ښار کې ۳۳۵ کورنیو ته چې د وروستیو بارانونو، سیلابونو او زلزلې امله زیانمنې شوي وې، له سروې وروسته خوراکي مرستې ووېشلې.
په دې مرستو کې له یادې جملې ۳۲۷ کورنیو ته ۱۰۰ کیلو ګرامه اوړه، ۱۰ لیتره غوړی، ۱۲.۵ کیلو ګرامه دال او ۱ کیلو ګرام مالګه د هرې کورنۍ لپاره همدارنګه ۸ نورو کورنیو ته، ۲۰۰ کیلو ګرامه اوړه، ۲۰ لیتره غوړي، ۲۵ کیلو ګرامه دال او ۲ کیلو ګرامه مالګه هرې کورنۍ ته ووېشل شول.
![news image](/sites/default/files/inline-images/WhatsApp%20Image%202023-06-17%20at%2012.09.20%20PM.jpeg)