په کونړ ولایت کې د جګړې له امله ۱۰۰ داخلي بېځایه شویو کورنیو ته بېړنۍ خوراکي او غیر خوراکي مرستې ووېشل شوې
نن دوشنبه د کونړ له پېښو سره د مبارزې آمادګۍ ریاست, د یاد ولایت اړوند ۱۰۰ کورنیو ته چې د افغانستان اسلامي امارت مجاهدینو او پاکستاني پوځ ترمنځ د خاص کونړ ولسوالۍ اړوند شالی دری شیګا، انارګۍ، ډنډو او لړموکڅ په سرحدي سیمو کې د وروستۍ جګړې له امله بېځایه شوې وې, بېړنۍ خوراکي او غیرخوراکي مرستې ووېشلې.
دغه مرستې چې یادې ولسوالۍ ته لېږدول شوې وې, د سروی په ترڅ کې د کورنیو له تثبیت وروسته هرې کورنۍ ته ۵۰ کیلو اوړه, ۲۵ کیلو وریجې, ۵ لیټره غوړي، ۵ تختی کمپلې او همدارنګه د سرې میاشتې ریاست لخوا یو تخته ترپال له پېښو سره د مبارزې آمادګۍ رئیس الحاج قاري ثابت الله صدیقي، سرې میاشتې رئیس حاجی شاه زلمی او د ولایت مقام استازي په حضور کې یادو کورنیو ته ووېشل شوې.
نیته:۱۴۴۶/۳/۲۷
له پېښو سره د مبارزی آمادګۍ ملي اداره
