په پکتیکا ولایت کې زیانمنو ته خوراکي او غیر خوراکي مرستې وویشل شوې
ښاغلي غلام بهاوالدین جیلاني پېښو ته د رسیدو په چارو کې د دولت وزیر پکتیکا ولایت ته د سفر پر مهال, د ډاکټر مجیب الرحمن څمکني د پکتیکا ولایت والي, امنیه قومندان, د ولایتي شورا غړو, ښاغلي مطیع الله صافۍ پېښو ته د رسېدو په چارو کې د دولت وزارت مالي او اداري مرستیال، د ځایي حکومت او رسنیو مسوولینو سره 250 زیانمنو کورنیو ته د خوراکي مرستو بهیر پیل کړ.
په دغو مرستو کې اوړه, وریجې, غوړي, لوبیا, وچ چای, بوره, مالګه, کمپلې او د اوبو سطل شامل دي, چې د طبیعي پېښو له امله زیانمنو ته وویشل شوې.
