په زابل ولایت کې ۱۱۱ سېلاب ځپلو کورنیو خوراکي او غیرخوراکي مرستې ترلاسه کړې
زابل- د ربیع الاول ۱۵- ۱۴۴۶
د زابل ولایت له پېښو سره د مبارزې آمادګۍ ریاست، د یاد ولایت نوبهار، شاه جوی، ارغنداب او خاک افغان ولسوالیو اړوند ۱۱۱ کورنیو ته چې د وروستیو بارانونو او سېلابونو له امله زیانمنې شوې وې، له سروې وروسته د یاد ریاست مشر الحاج مولوي عبدالله عابدي او نورو مسؤلینو په حضور کې خوراکي او غیرخوراکي مرستې ووېشلې.
په دې مرستو کې هرې کورنۍ ته ۱۰۰ کیلو اوړه، ۲۵ کیلو وریجې، ۵ لیټره غوړي، ۱ کارټن شیدې او ۲ تختې کمپلې ووېشل شوې.
