له پېښو سره د مبارزې آمادګۍ ملي ادارې سرپرست د هنډیکپ نړیوالې مؤسسې له رئیسې سره وکتل
نن ورځ سې شنبه، له پېښو سره د مبارزې آمادګۍ ملي ادارې سرپرست الحاج ملا نورالدین ترابي د هنډیکپ نړیوالې مؤسسې له رئیسې اغلې اودري فرانسوا ګلا دین پيشي، عملیاتي آمر یوبان مالا، د عملیاتي آمر مرستیال ډاکټر عبدالمتین او بشردوستانه اړیکو ته د لاسرسي متخصص، حبیب الرحمن ابراهیمي سره په خپل کاري دفتر کې وکتل.
په پیل کې ترابي صاحب د یادې مؤسسې راغلي پلاوي ته ښه راغلاست وویل او مننه یې ترې وکړه چې تل زموږ سره همکاره پاتې شوي دي او راغلي پلاوي ته یې د هر ډول همکارۍ ډاډ ورکړ.
همدارنګه ترابي صاحب زیاته کړه چې یادې مؤسسې زموږ سره تل همکاري کړې ده او څو ورځې مخکې یې فراه, غور او بادغیس ولایتونو ته زموږ ۶۰۰۰ بورۍ غنم انتقال کړل.
د هنډیکپ مؤسسې رئیسې اودری فرانسوا ګلا دین پيشي، د یادې ادارې له سرپرست څخه ځانګړې مننه وکړه او ویې ویل چې دې ادارې تل زموږ سره همکاري کړې ده او موږ به تل هغه خدمات چې زموږ په واک وي ونه سپموو.
همدارنګه اغلې فرانسوا زیاته کړه چې د تېرې تفاهم نامې د وخت د پوره کېدو په صورت کې به بیا تفاهم نامه تمدید کړو او ځینې نوي تغیرات به پکښې راولو.
نېټه: ۱۴۴۶/۱۱/۲۹ هــ ق
له پېښو سره د مبارزې آمادګۍ ملي اداره
