د کونړ ولایت په غازي آباد ولسوالۍ کې له خوړونو څخه د ډبرو او خټو د پاکولو او د یو ډبرین دیوال د جوړولو کار دوام لري
له پېښو سره د مبارزې آمادګۍ ملي ادارې د لوی رئیس، محترم الحاج ملا نورالدین ترابي په لارښوونه، د کونړ ولایت له پېښو سره د مبارزې آمادګۍ ریاست، د یاد ولایت په بېلا بېلو ولسوالیو کې له خوړونو څخه د خټو، ډبرو او شګو د پاکولو کارونه پیل کړي او دا مهال په منظم ډول پر مخ روان دي.
په دې بهیر کې د یاد ریاست له لوري د غازي آباد ولسوالۍ په مریت کلي کې د سېلاب اوبو د تېرېدو لپاره له خوړ څخه د خټو، شګو او لویو ډبرو د پاکولو کار روان دی، چې په همدې خوړ کې له پرتو لویو ډبرو څخه به د ۲۰ متره په اوږدوالي، په لاندې برخه کې د ۵ متره او په لوړه برخه کې د ۲ متره په پلنوالي سره به یو ډبرین دیوال (بولډر وال) جوړ شي.
د دې خوړ په پاکولو او ډبرین دیوال په جوړولو سره به د کلي ۶۰ کورونه، کرنیزې ځمکې او نور عامه تاسیسات د سېلاب له خطر څخه خوندي شي.
نېټه:۱۴۴۷/۷/۲۵ هـ ق
له پېښو سره د مبارزې آمادګۍ ملي اداره
