د کابل ولایت له پېښو سره د مبارزې آمادګۍ ریاست په سروبي ولسوالۍ کې د یو کارېز د پاکولو او بیا رغونې له کارونو څارنه وکړه
د کابل ولایت له پېښو سره د مبارزې آمادګۍ ریاست د دې ولایت د سروبي ولسوالۍ په جګدلک کلي کې د یو کارېز د پاکولو او بیا رغونې له کارونو څارنه وکړه.
د یاد کارېز د پاکولو او ترمیم کار د کابل ولایت له پېښو سره د مبارزې آمادګۍ له دوامداره څارنې لاندې پیل شوی او دوام لري، چې تر دا مهاله ۷۵ سلنه کار یې بشپړ شوی دی.
یاد کارېز د کلونو راهیسې له رسوباتو څخه ډک او د سیلاب له امله زیانمن شوی و، چې له امله یې د سیمې اوسېدونکي د څښاک او پاکو اوبو همدارنګه د کرنیزو ځمکو د خړوبولو لپاره د اوبو له کمښت سره مخ وو.
د یادونې وړ ده، چې د دې کارېز په فعالېدو سره به لسګونه کورنۍ د څښاک له پاکو اوبو برخه منې او سلګونه جریبه کرنیزې ځمکې خړوبې کړي او په دغو سیمو کې به د اوبو د کمښت ستونزه تر ډېره حده هواره شي.
نېټه:۱۴۴۷/۱۲/۲۴ هـ ق
له پېښو سره د مبارزې آمادګۍ اداره
