د کابل ولایت له پېښو سره د مبارزې آمادګۍ ریاست د ۲۰۶ کورنیو لپاره د خوراکي او غیرخوراکي مرستو د وېش لړۍ پیل کړه
د کابل ولایت له پېښو سره د مبارزې آمادګۍ ریاست، په شکردره ولسوالۍ کې د ۲۰۶ زیانمنو او اړمنو کورنیو لپاره د خوراکي او غیرخوراکي مرستو د وېش لړۍ پیل کړه.
په دې پروګرام کې چې د یاد ریاست رئیس مولوي نجیب الله انوري په مشرۍ ترسره شو، هرې کورنۍ ته یوه بورۍ اوړه ۵۰ کیلویي، یوه بورۍ وریجې ۲۵ کیلویي، ۱۰ قلمه توکي لرونکی عربي کېټ، ۱۴ قلمه توکي لرونکی یو روغتیایي کېټ او درې تختې کمپلې ووېشل شوې.
مولوي انوري په خپلو خبرو کې ټینګار وکړ چې دا د زیانمنو مسلم حق دی. نوموړي له زیانمنو څخه د امارت د ملاتړ په یادونې سره ووېل چې په راتلونکي کې هم د خلکو لپاره د مرستو د وېش پروګرام شتون لري.
په دی پروګرام کې له مسؤلینو څخه قدرداني وشوه او له مرستو برخه منو د خوښي په څرګندولو سره د اسلامي امارت د نظام د بقا لپاره دعا وکړه.
نېټه:۱۴۴۶/۶/۳
له پېښو سره د مبارزې آمادګۍ ملي اداره
