د نیمروز ولایت له پېښو سره د مبارزې آمادګۍ ریاست په دلارام ولسوالۍ کې د سېلاب له امله د ویجاړ شوي پُل تخنیکي سروې وکړه
د نیمروز ولایت له پېښو سره د مبارزې آمادګۍ ریاست، د دلارام ولسوالۍ په فیروزګي کلي کې د سېلابونو له امله د ویجاړ شوي پُل د بیارغونې لپاره تخنیکي سروې او ارزونه وکړه.
د سروې پایلې ښيي چې یاد پُل د سېلابونو له امله سخت زیانمن شوی او د تګ راتګ وړتیا یې له لاسه ورکړې، چې له امله یې د شاوخوا ۱۵٫۰۰۰ کورنیو پر تګ راتګ مستقیم اغېز شوی او ګڼې ستونزې یې رامنځته کړې دي.
یاد ریاست د دې پُل د ژر تر ژره بیارغونې پر اړتیا ټینګا وکړ، ترڅو د سیمې د اوسېدونکو د تګ راتګ ستونزې هوارې شي.
