د میدان وردګ ولایت له پېښو سره د مبارزې آمادګۍ ریاست ۵۲ سېلاب ځپلو کورنیو ته نغدي مرستې ووېشلې
له پېښو سره د مبارزې آمادګۍ ملي ادارې او د DRC موسسې ترمنځ د لاسلیک شوي هوکړه لیک له مخې, د میدان وردګ ولایت له پېښو سره د مبارزې آمادګۍ ریاست د یادې موسسې په مالي ملاتړ, د یاد ولایت په نرخ او چک ولسوالیو کې د وروستیو ویجاړوونکو سیلابونو له امله ۵۲ زیانمنو کورنیو ته چې کورونه یې نیمه او بشپړه توګه ویجاړ شوي وو, نغدي مرستې ووېشلې.
په دې لړۍکې له سروې وروسته, هرې کورنۍ ته ۹,۷۰۰ افغانۍ ووېشل شوې, چې ټولټال ۵۰۴,۴۰۰ (پنځه سوه څلور زره او څلور سوه) افغانۍ نغدي پیسې د یاد شمېر کورنیو لپاره ځانګړې شوې وې.
له پېښو سره د مبارزې آمادګۍ رئیس, مولوي فیض الله جلالي وویل, چې د پېښو له امله زیانمنو ته د بېړنیو خوراکي, غیرخوراکي او نغدي مرستو د وېش لړۍ دوام لري او مرستې به پر وخت او عادلانه ډول مستحقو ته ووېشل شي.
نېټه: ۱۴۴۷/۰۱/۰۷ هـ ق
له پېښو سره د مبارزې آمادګۍ ملي اداره
