د لوګر ولایت له پېښو سره د مبارزې آمادګۍ ریاست ٣٦ سېلاب ځپلو کورنیو ته خوراکي او غیرخوراکي مرستې ووېشلې
د لوګر ولایت له پېښو سره د مبارزې آمادګۍ ریاست ٣٦ کورنیو ته چې د یاد ولایت په ازره ولسوالۍ کې د وروستیو سېلابونو له امله زیانمنې شوې وې، له سروې وروسته خوراکي او غیرخوراکي مرستې ووېشلې.
دا مرستې په دوو پړاوونو کې د مسؤلینو په شتون کې، په لومړي پړاو کې ٦ کورنیو ته چې کورونه يې په بشپړ ډول ویجاړ شوي وو، هرې کورنۍ ته ٢ بورۍ ٥٠ کیلویي غنم، ٥ لېټره غوړي، ١ باب خېمه، ١ تخته وطني کمپله، ٥ تختې چینایي کمپلې، ١ بورۍ ٢٥ کیلویي وریجې، ٢ جوړې پلاستیکي چپلکې، ١ عدد پلاستیکي سطل، ٢ تختې ځان پاک، ١ کارتن د کلورین ټابلیټونه، ١ کارتن د یونسیف روغتیایي کیټ، ١ کارتن د یونسیف صابون او په دوه یم پړاو کې، ٣٠ نورو کورنیو هرې یوې ته، ٢ بورۍ ٥٠ کیلویي غنم، ١ بورۍ ٢٥ کیلویي وریجې، ٥ تختې چینایي کمپلې، ٢ جوړې پلاستیکي چپلکې، یو عدد پلاستیکي سطل، ٢ تختې ځان پاک، یو کارتن د کلورین ټابلیټ، یو کارتن روغتیایي کیټ او یو کارتن د یونسیف صابون ووېشل شو.
نېټه: ۱۴۴۷/۱/۱٤ هـ ق
له پېښو سره د مبارزې آمادګۍ ملي اداره
