د بغلان ولایت له پېښو سره د مبارزې آمادګۍ ریاست ۱١١ زیانمنو کورنیو ته خوراکي او غیر خوراکي مرستې ووېشلې
له پېښو سره د مبارزې آمادګۍ ملي ادارې او د هستوګنې لپاره د آغا خان بنسټ ترمنځ د لاسلیک شوي هوکړه لیک له مخې او د IOM او ASLO سازمانونو په ملاتړ، د بغلان ولایت له پېښو سره د مبارزې آمادګۍ ریاست، د دې ولایت په پلحصار ولسوالۍ کې د وروستیو سېلابونو له امله ١١١ زیانمنو کورنیو ته له سروې وروسته خوراکي او غیر خوراکي مرستې ووېشلې.
په دې لړۍ کې د مسؤلینو په شتون کې، د IOM سازمان له لوري هرې کورنۍ ته ١ د پخلنځي کېټ، ٣ تختې کمپلې، ١ عدد د سرپنا کېټ، ٤ عدده څراغونه، ٤ تختې ترپالونه، ١ تخته پلاستیکي فرش او ١ پایه خېمه ووېشل شوه. همدارنګه، د ASLO سازمان لخوا هرې کورنۍ ته ٢٠٠ کیلو اوړه، ٢٠ لیټره غوړي، ٢٥ کیلو دال نخود، ٢ کیلو بسکېټ، ١ کیلو مالګه او د هستوګنې لپاره د آغا خان بنسټ له لوري هرې کورنۍ ته یو روغتیایي کېټ ووېشل شو.
نېټه: ۱۴۴۶/۱۲/۲٢هـ ق
له پېښو سره د مبارزې آمادګۍ ملي اداره
