له پېښو سره د مبارزې آمادګۍ ملي ادارې او د معلوماتو د مدیریت او د ماین پاکۍ د پروګرامونو نړیوالې موسسې (IMMAP) ترمنځ د ۵ میلیونه ډالرو په ارزښت تفاهم نامه لاسلیک شوه
نن ورځ دوشنبه، له پېښو سره د مبارزې آمادګۍ ملي ادارې سرپرست الحاج ملا نورالدین ترابي، د معلوماتو د مدیریت او د ماین پاکۍ د پروګرامونو نړیوالې مؤسسې د عملیاتي چارو مدیر غلام حیدر فیضي او د یاد مدیریت کارمند عبدالفتح اسحاقزي سره وکتل.
ترابي صاحب راغلي پلاوي ته د ښه راغلاست ترڅنګ وویل، چې افغانستان هغه هیواد دی چې د طبيعي او غیر طبيعي پېښو له ګواښ سره مخ دی او موږ غواړو چې د وقایوي پروژو په برخه کې ډېر کار وکړو، ځکه وقایه کولای شي چې په کم مصرف خلک د ډیر زیان څخه وژغوري.
ترابي صاحب وویل، چې په ۳۴ ولایتونو کې مو له خطر سره مخ سیمې معلومي کړې دي او غواړو چې د خطر مخنیوۍ وکړو ترڅو خلکو ته زیان ونه رسیږي همداراز یې وویل چې موږ تل د کارونو چټکتیا او شفافیت ته ژمن یو.
وروسته د (IMMAP) نړیوالې مؤسسې راغلي پلاوي د یادې ادارې د سرپرست څخه ځانګړې مننه وکړه، چې تر بل هر وخت اوس مؤسسې لیواله دي، چې د یادې ادارې سره همکاري وکړي او موږ هم غواړو چې له پیښو سره د مبارزې آمادګۍ ملي ادارې سره همکاري وکړو.
همداراز، د عملیاتي چارو مدیر ښاغلي فیضي وویل، چې یادې موسسې په ۲۰۱۰ کال کې فعالیت پیل کړی دی چې د معلوماتو د مدیریت او د پیښو خطرونو کمولو په برخه کي کار کوي.
یاده تفاهم نامه چې د ۵ میلیونه ډالرو په ارزښت لاسلیک شوه، په ۵ مهمو برخو کي به فعالیت کوي، ۱ بشردوستانه ارقامو مکاني مرکز پلټفورم ۲ د معلوماتو د مدیریت ملاتړ ۳ نقشه جوړونه او کارتوګرافي ۴ تر ناورین مخکې خبرتیا او غبرګون ۵ اقلیمي انطباق په اړه د اړیکو د ملاتړ په برخو کي به د یادې ادارې او نورو مؤسسو سره همکاري کوي.
د غونډې په پای کې د داوړو لورو لخوا تفاهم نامه لاسلیک سوه.
نېټه:۱۴۴۶/۹/۱۷ هــ ق
له پېښو سره د مبارزې آمادګۍ ملي اداره
