د کابل ولایت له پېښو د مبارزې آمادګۍ ریاست په ده سبز، خاکجبار او موسهي ولسوالیو کي ۳۳ کورنیو ته د کور جوړونې او بیارغونې لپاره نغدي مرستې ووېشلې
نن ورځ چهار شنبه، د کابل له پېښو سره د مبارزې آمادګۍ ریاست په همغږی د افغانستان لپاره د بشري خدمتونو او پرمختګ موسسې په مالي ملاتړ د دې ولایت په ده سبز، خاکجبار او موسهي ولسوالیو کي له ۳۳ کورنیو سره د کور جوړونې او د بیارغونې لپاره نغدي مرستي وشوې.
د افغانستان لپاره د بشري خدمتونو او پرمختګ مؤسسې له خواه هرې کورنۍ ته چې مخکې یې د سروې پروسه د دې ریاست په همغږی ترسره شوې وه د کور جوړونې په برخه کې د ده سبز، خاکجبار او موسهي ولسوالیو ۱۶ کورنیو ته د دویم قسط ( ۶۶۴۵۰ ) افغانۍ او د یادو ولسوالیو ۱۷ کورنیو ته د کورونو بیارغونې په برخه کې د دویم قسط ( ۱۸۲۵۰ ) افغانۍ نغدي مرسته ترسره شوه چې ټول ټال( ۱۳۷۳۴۵۰ ) افغانۍ د یادو کورنیو لپاره ځانګړې شوې وې.
د یادوني وړ ده چې یادي نغدي مرستي له پېښو سره د مبارزې آمادګۍ ملي ادارې د مقام او مؤسیسې تر منځ د لاسلیک شوي تفاهم نامې په اساس تر سره شوې.
همدا راز د مرستو ترلاسه کوونکو د مرستندویه مؤسسې او د کابل ولایت له پیښو سره د مبارزې آمادګۍ ریاست څخه مننه وکړه او خپله خوښي څرګنده کړه او د دې نظام د بقا دعايې وکړه.
نیټه: ۱۴۴۷/۶/۱۲ هــ ق
له پېښو سره د مبارزې آمادګۍ ملي اداره
