د پروان ولایت سیاګرد ولسوالۍ د تیخان درې او یخدرې سړک د پاکولو کار پیل شو
د پروان ولایت سیاګرد ولسوالۍ د تیخان درې او یخدرې سړک د سختو بارانونو او سېلابونو له امله ویجاړ او له چِکړو ډک شوی و، چې د سیمې اوسېدونکو ته یې جدي ترانسپورتي ستونزې رامنځته کړې وې.
د سیاګرد ولسوالۍ د خلکو د غوښتنې او د ولایت مقام د لارښوونې پر بنسټ، د یاد سړک د پاکولو چارې د یو عراده اسکواټور په وسیله رسماً پیل شوې.
د یادونې وړ ده، چې د سړک د پاکولو دغه کار د پروان ولایت له پېښو سره د مبارزې آمادګۍ ریاست له لوري، د ټولګټو ریاست په تخنیکي ملاتړ ترسره شو، چې ډېر ژر به د سیمې د اوسېدونکو ترانسپورتي ستونزې هوارې شي.
نیټه: ۱۴۴۶/۰۹/۱۶
له پېښو سره د مبارزې آمادګۍ ملي اداره
