د ننګرهار ولایت له پېښو سره د مبارزې آمادګۍ ریاست ١١١ بېوزله کورنیو ته نغدي مرستې ووېشلې
له پېښو سره د مبارزې آمادګۍ ملي ادارې او د (RRAA) موسسې ترمنځ د لاسلیک شوي هوکړه لیک له مخې، د ننګرهار ولایت له پېښو سره د مبارزې آمادګۍ ریاست د یادې موسسې په مالي ملاتړ، د دې ولایت د کوزکونړ ولسوالۍ اړوند ١١١ بېوزله کورنیو ته له سروې وروسته نغدي مرستې ووېشلې.
په دې لړۍ کې، ٩١ کورنیو هرې یوې ته د مسؤلینو په شتون کې ١٠,٥٣٧ افغانۍ دخوراکي توکو د پېرلو په موخه او ٢٠ نورو کورنیو هرې یوې ته د تشناب د ترمیم او جوړولو لپاره ٣,٦٢٠ افغانۍ ووېشل شوې، چې ټولټال ١,٠٣١,٢٦٧ ( ١ میلیونه، ٣١ زره او ٢٦٧ ) افغانۍ د یاد شمېر کورنیو لپاره ځانکړې شوې وې.
نېټه: ۱۴۴۶/٩/٢٥
له پېښو سره د مبارزې آمادګۍ ملي اداره
