د کندز ولایت له پېښو سره د مبارزې آمادګۍ ریاست ۲,۷۶۰ مستحقو کورنیو ته خوراکي او نغدي مرستې ووېشلې
له پېښو سره د مبارزې آمادګۍ ملي ادارې او د ASIO مؤسسې ترمنځ د لاسلیک شوي هوکړه لیک له مخې، چې د پروژې تمویل کوونکي یې د خوړو نړیوال پروګرام (WFP) دی د کندز ولایت له پېښو سره د مبارزې آمادګۍ ریاست د یادې مؤسسې په تخنیکي همکارۍ، د دې ولایت په مرکز او خان آباد او امام صاحب ولسوالیو کې ۲۷۶۰ مستحقو کورنیو ته خوراکي او نغدي مرستې ووېشلې.
په دې لړۍ کې د مسؤلینو په شتون کې، ۸۰۰ کورنیو ته مرکز کې ۲۹۰۰ افغانۍ نغدي پيسې او ۱۹۶۰ کورنیو ته په خان آباد او امام صاحب ولسوالیو کې خوراکي مرستې ووېشل شوې.
همدارنګه، هغو کورنیو ته چې په هغه کې له پنځو کلونو د کم عمر لرونکو ماشومانو، شیدې ورکونکو او حامله میندو شتون درلود له خوارځواکۍ څخه د مخنیوي په موخه تقویه کوونکي خوراکي توکي هم ووېشل شول.
نېټه: ۱۴۴۷/۰۹/۲۷ هـ ق
له پېښو سره د مبارزې آمادګۍ ملي اداره
