د جوزجان ولایت له پېښو سره د مبارزې آمادګۍ ریاست ۳۲۲ اړمنو کورنیو ته نغدې مرستې ووېشلې
له پېښو سره د مبارزې آمادګۍ ملي ادارې او د ماشومانو د ملاتړ نړیوالې موسسې ترمنځ د لاسلیک شوي هوکړه لیک له مخې، د جوزجان ولایت له پېښو سره د مبارزې آمادګۍ ریاست د یادې موسسې په مالي ملاتړ، د دې ولایت د خواجه دو کوه ولسوالۍ او مرکز اړوند ۳۲۲ اړمنو کورنیو ته له سروې وروسته نغدې مرستې ووېشلې.
په دې لړۍ کې هرې کورنۍ ته د مسؤلینو په شتون کې ۲۶,۲۶۰ افغانۍ ووېشل شوې، چې ټولټال اته میلیونه او څلور سوه پنځه پنځوس زره او اووه سوه شل (۸,۴۵۵,۷۲۰) افغانۍ نغدې پیسې د یاد شمېر کورنیو لپاره ځانګړې شوې وې.
نېټه: ۱۴۴۷/۶/۰۲ هـ ق
له پېښو سره د مبارزې آمادګۍ ملي اداره
