د هلمند ولایت له پېښو سره د مبارزې آمادګۍ ریاست ۵۷ سېلاب ځپلو کورنیو ته خوراکي او غیر خوراکي مرستې ووېشلې
د هلمند ولایت له پېښو سره د مبارزې آمادګۍ ریاست د کډوالۍ نړیوال سازمان(IOM)، د خوړو نړیوال سازمان(WFP)، د ملګرو ملتونو د نفوس وجهي صندوق(UNFPA) او د (UNICEF) سازمان په مالي همکارۍ, مرکز لښکرګاه، سنګين او مارجې ولسوالیو کې ۵۷ سېلاب ځپلو کورنيو ته خوراکي او غیر خوراکي مرستې ووېشلې.
په دې لړۍ کې له پېښو سره د مبارزې آمادګۍ رئيس الحاج مولوي جمعه خان مستقيم او د یادو سازمانونو د استازو په شتون کې هرې کورنۍ ته ۲۰۰ کېلو اوړه، ۲۵ کېلو دال، ۲ کېلو مالګه، ۱۸.۲ لیټره غوړي، د ماشومانو لپاره ۳ کېلو وچي شېدې، روغتیایي کېټونه، کمپلان، د پخلنځي توکي، د بیړنۍ سرپناه کیټونه، سولري څراغونه، پلاستيکي فرش او په مارجې ولسوالۍ کې هغو کورنيو ته چې کورونه يې په بشپړ ډول ویجاړ شوي وو ۴ خېمې هم ووېشل شوې.
نیټه: ۱۴۴۶/۰۹/۱۲
له پېښو سره د مبارزې آمادګۍ ملي اداره
