له پېښو سره د مبارزې آمادګۍ ملي ادارې او د CRS موسسې ترمنځ د ګډو همکاریو تفاهم نامه لاسلیک شوه
نن ورځ پنج شنبه، له پېښو سره د مبارزې آمادګۍ ملي ادارې د مالي او اداري عمومي رییس او سرپرست الحاج مولوي محمد علم عالميار د کاتوليک خيريه موسسې (CRS) د کابل څانګې له رئیس احمد فريد صميمي سره وکتل او د ګډو همکاريو تفاهمنامه یې لاسليک کړه.
په دې غونډه کې دواړو لوریو د ژمي په موسم کې د زيانمنو شوو کسانو سره د مرستې او نورو فعاليتونو په اړه خبرې وکړې او د پروژو په پلي کولو کې د همغږۍ پر اهمیت یې ټينګار وکړ.
د دې تفاهم نامې له مخې، د کاتوليک خيريه موسسې د دايکنډي ولايت د اشترلي ولسوالۍ ۹۰۴ کورنيو (چې ټولټال ۶۳۲۸ کسان کېږي) سره د مرستې لپاره ۵۷۷,۷۳۱ امريکايي ډالرځانګړي کړي دي. په دې توګه، هر فرد ته به ۶۶.۸۵۷ ډالره يا د هغې معادل افغانۍ ورکول کېږي، چې د ۷ کسیزې کورنۍ لپاره په منځنۍ توګه ۴۶۸ ډالره به د درې مياشتو لپاره د اساسي اړتیاوو د پوره کولو لپاره وويشل شي.
نېټه:۱۴۴۶/۶/۳
له پېښو سره د مبارزې آمادګۍ ملي اداره
