د پروان ولایت له پېښو سره د مبارزې آمادګۍ ریاست په سالنګ ولسوالۍ کې د سېلابيلارې د پاکولو پروژه بشپړه کړه
له پېښو سره د مبارزې آمادګۍ ادارې د لوی رئیس، محترم الحاج ملا نورالدین ترابي، د لارښوونې پر بنسټ او د وروستیو سېلابونو له امله د رامنځته شویو خطرونو د کمولو او د خلکو د تګ راتګ د اسانتیا په موخه، د پروان ولایت له پېښو سره د مبارزې آمادګۍ ریاست د سالنګ ولسوالۍ حصه اول د کوګلامې درې د ښوونځي اړوند د سرتیکچي په سیمه کې د سېلابي لارې او د سېلابونو د رسوباتو د پاکولو پروژه بشپړه کړه
.
د یادې پروژې د پلي کېدو پر مهال درې عرادې JCB ډوله اسکواټور ماشینرۍ سیمې ته واستول شوه، چې په وسیله یې د ښوونځي شاوخوا، د سېلابي لارې او د تګ راتګ پر لارو د سېلابونو پاتې شوې خټې، رسوبات او نور خنډونه پاک او لرې شول، او د خلکو پر مخ د تګ راتګ لارې بېرته عادي حالت ته راوګرځېدې.
د یادونې وړ ده، چې د سیمې اوسېدونکو د دغې پروژې له عملي کېدو څخه هرکلی وکړ او د پروان ولایت له پېښو سره د مبارزې آمادګۍ ریاست له لوري د سېلابونو د رسوباتو د پر وخت پاکولو او د سېلابلارې د بېرته پرانیستلو په برخه کې ترسره شوې هڅې یې وستایلې او مننه یې ترې وکړه.
