د خوست ولایت له پېښو سره د مبارزې آمادګۍ ریاست په موسیخېل ولسوالۍ کې د والیبال میدان جوړېدو له چارو څخه څارنه وکړه
د خوست ولایت له پېښو سره د مبارزې آمادګۍ ریاست، د موسیخېل ولسوالۍ په مرغه کلي د والیبال میدان جوړېدو له چارو څخه لیدنه او څارنه وکړه.
دا څارنه له پېښو سره د مبارزې آمادګۍ ریاست د مسئولینو او تخنیکي پلاوي له لوري ترسره شوه، چې موخه یې د پروژې د پرمختګ ارزونه، د کار د کیفیت څارنه او د پروژې د معیاري او پر وخت پلي کولو ډاډ ترلاسه کول وو.
د تخنیکي ارزونې پر مهال څرګنده شوه چې د والیبال میدان د جوړولو چارې د ټاکل شوي پلان او تخنیکي معیارونو له مخې په منظم ډول روانې دي او مسئولینو د کار د کیفیت د ساتنې او د پروژې د ټاکلي مهالوېش د مراعاتولو پر اهمیت هم ټینګار وکړ.
ټاکل شوې ده چې د دې ورزشي میدان له بشپړېدو سره به د سیمې ځوانانو ته د ورزش لپاره یو مناسب او معیاري چاپېریال برابر شي.
نېټه:۱۴۴۸/۱/۰۴ هـ ق
له پېښو سره د مبارزې آمادګۍ اداره
