د کابل ولایت له پېښو سره د مبارزې آمادګۍ ریاست ۱۹۹ زیانمنو کورنیو ته خوراکي اوغیر خوراکي مرستې ووېشلې
د کابل ولایت له پیښو سره د مبازرې آمادګۍ ریاست، د کډوالۍ نړیوال سازمان IOM په مالي ملاتړ او د دې ولایت له محترم مقام سره په همغږۍ د دې ولایت د وروستیو ورښتونو او سېلابونو له امله په خاکجبار ولسوالۍ کې ۸۸ او بګرامۍ ولسوالۍ کې ۱۱۱ زیانمنو کورنیو ته له سروې وروسته خوراکي او غیر خوراکي مرستې ووېشلې.
په دې لړۍ کې د مسؤلینو په شتون کې له پېښو سره د مبارزې آمادګۍ ریاست له لوري ۸۸ کورنیو هرې کورنۍ ته، یو باب خېمه، یوه بورۍ ۵۰ کیلویي غنم، یو کارتن روغتیایي کېټ چې ۱۶ قلمه توکي پکې شتون لري، ۳ عدده څراغونه، ۱۰۰ پاکټه د اوبو تصفیه کولو ګولۍ، ۳ عدده پلاستیکي صندقونه او د کډوالۍ نړیوال سازمان IOM لخوا ۱۱۱ کورنیو هرې یوې ته ۲ عدده روغتیايي کېټونه چې ۲۳ قلمه توکي پکې شتون لري ووېشل شول.
د یاد ولایت له پېښو سره د مبارزې آمادګۍ ریاست مسؤلین هڅه کوي چې زیانمنو کورنیو ته پروخت رسېدنه وکړي او له هغوی سره پر وخت مرستې ترسره کړي.
نېټه: ۱۴۴۷/۱۱/۱۵ هـ ق
له پېښو سره د مبارزې آمادګۍ اداره
