د بادغیس ولایت له پېښو سره د مبارزې آمادګۍ ریاست ۲,۱۰۳ کورنیو ته خوراکي او نغدې مرستې ووېشلې
د بادغیس ولایت له پېښو سره د مبارزې آمادګۍ ریاست ټیکا او د افغان د ټولنیزو خدمتونو (WASSA) موسسو په ملاتړ، د دې ولایت په مرکز قلعه نو ښار کې ۲,۱۰۳ مستحقو کورنیو ته خوراکي او نغدې مرستې ووېشلې.
په دې بهیر کې د مسؤلینو په شتون کې د WASSA موسسې له لوري ۱۸۰۰ کورنیو هرې یوې ته ۲,۹۰۰ افغانۍ او له یادې جملې ۲۵۹ کورنیو ته چې ماشومان یې درلودل هرې کورنۍ ته ۳۰ عدده قهوه او امیندوارو مېرمنو لرونکو ۵۳۷ کورنیو هرې یوې ته درې کیلو د حلوا اوړه او همدارنګه د ټیکا موسسې له لوري ۳۰۰ کورنیو هرې یوې ته یوه بورۍ ۵۰ کیلویي اوړه، ۵ لیټره غوړي، ۱۰ کیلو وریجې، ۲ کیلو نخود، ۲ کیلو لوبیا، ۱ کیلو تورچای، ۱ کیلو شین چای، ۵ پاکټه مکروني او ۴ کیلو بوره ووېشل شوه.
نېټه:۱۴۴۷/۹/۰۷ هـ ق
له پېښو سره د مبارزې آمادګۍ ملي اداره
