د کنړ ولایت له پېښو سره د مبارزې آمادګۍ ریاست ۲۷۷ اجباري راستنو شویو کورنیو ته خوراکي مرستې ووېشلې
له پېښو سره د مبارزې آمادګۍ ملي ادارې د لوی رئیس محترم الحاج ملا نورالدین ترابي د لارښوونې له مخې، د کنړ ولایت له پېښو سره د مبارزې آمادګۍ ریاست د یاد ولایت په چپې درې، دره پیچ او وټه پور ولسوالیو کې له ګاونډیو هېوادونو څخه په اجبارې توګه را ایستل شویو ۲۷۷ کورنیو ته له سروې وروسته خوراکي مرستې ووېشلې.
په دې لړۍ کې، هرې کورنۍ ته د مسؤلینو په شتون کې، ۱۰ کیلو وریجې، ۵ لیټره غوړي، ۲ کارتنه خرما، په ډبیو کې بند خوراکي توکي او یو د خوراکي توکو کیټ چې په کې بېلابېلو خوراکي توکو شتون درلود ووېشل شو.
نېټه: ۱۴۴۷/۸/۲۰ هـ ق
له پېښو سره د مبارزې آمادګۍ ملي اداره
