د میدان وردګ ولایت په سیدآباد ولسوالۍ کې د سېلابونو له امله وېجاړ شوي ۳۰ کلومتره سړکونه ترميم او ګټې اخیستنې ته وسپارل شول
له پېښو سره د مبارزې آمادګۍ ملي ادارې د لوی رئیس، محترم الحاج ملا نورالدین په لارښوونه، د میدان وردګ ولایت له پېښو سره د مبارزې آمادګۍ ریاست د دې ولایت د سیدآباد ولسوالۍ په شنيز دره کې د تېرو سیلابونو له امله د ۳۰ کیلو متره وېجاړ شویو سړکونو د ترميم کارونه بشپړ کړل او ګټې اخیستنې ته یې وسپارل.
د سړکونو د ترمیم کارونه د یاد ولایت د پنځمې پلی لوا په ماشینرۍ ترسره شول او د ماشینرۍ لپاره یې له پېښو سره د مبارزې آمادګۍ ملي ادارې د مقام له لوري ٢٠٠٠ لیټره تيل منظور شوي وو.
له پېښو سره د مبارزې آمادګۍ ریاست مسئولین ډاډ ورکوي چې د دې ولایت مرکز او په ټولو ولسوالیو کې به له زیانمنو کورنیو سره د مرستو ترڅنګ د وېجاړو شویو سیمو او له خطر سره مخ سيمو ته د رسېدنې لپاره به خپلو هڅو ته دوام ورکړي او همدارنګه سیمه ییزو اوسېدونکو د یاد اقدام تود هرکلی کړی.
نېټه:۱۴۴۷/۷/۲۸ هـ ق
له پېښو سره د مبارزې آمادګۍ ملي اداره
