د بلخ ولایت په چهار بولک ولسوالۍ کې ۴ عدده ناچاوده سرګلولې کشف او خنثی شوې
له پېښو سره د مبارزې آمادګۍ ملي ادارې د ماینپاکۍ د همغږۍ او انسجام ریاست، د بیړنۍ اړیکې شمېرې (070,8606060) له لارې د ترلاسه شوي اړیکې پر بنسټ، د ډافا مؤسسې د بېړنۍ ځواب وینې ټیم د بلخ ولایت د چهار بولک ولسوالۍ تیمورک کلي ته د عملیاتو لپاره ولېږدوو.
د دې عملیاتو په ترڅ کې، یاد ټیم ۴ عدده ناچاوده سرګلولې، چې د سیمې د اوسېدونکو ژوند یې له خطر سره مخ کړی وو کشف، په خوندي ډول انتقال او له منځه یووړلې.
همدارنګه، د جګړو څخه پاتې ماینونو او چاودېدونکو توکو د احتمالي پېښو د مخنیوي په موخه، د سیمې اوسېدونکو ته د ماینونو او چاودېدونکو توکو د خطرونو په اړه د عامه پوهاوي پروګرام ترسره شو.
نېټه: ۱۴۴۷/۷/۲۳ هـ ق
له پېښو سره د مبارزې آمادګۍ ملي اداره
