د ننګرهار ولایت په کوزکنړ ولسوالۍ کې د خطرناکو ډبرو د ماتولو لړۍ دوام لري
د ننګرهار ولایت له پیښو سره د مبارزې آمادګۍ ملي ادارې او د CWSA موسسې ترمنځ د لاسلیک شوي هوکړه له مخې، د ننګرهار ولایت له پېښو سره د مبارزې آمادګۍ ریاست د یادې مؤسسې په ملاتړ، د یاد ولایت د کوزکنړ ولسوالۍ په بېلابېلو سیمو کې د هغو خطرناکو ډبرو د ماتولو او د له منځه وړلو لړۍ دوام لري چې د سیمه یزو اوسېدونکو استوګنیزو کورونه یې له جدي ګواښ سره مخ کړي وو.
د یادو ډبرو د له منځه وړلو چارې د دې ریاست په همغږۍ او د اړونده مؤسسې د مسلکي ټیمونو له لوري په منظم او خوندي توګه روانې دي.
سیمه ییزو اوسېدونکو د دې اقدام تود هرکلی وکړ او له پېښو سره د مبارزې آمادګۍ ریاست او یادې مؤسسې څخه یې د ورته خیر کارونو د دوام غوښتنه وکړه.
نېټه: ۱۴۴۷/۷/۱۷ هـ ق
له پېښو سره د مبارزې آمادګۍ ملي اداره
