د ارزګان ولایت له پېښو سره د مبارزې آمادګۍ ریاست په چوري ولسوالۍ کې د یو سیفون جوړولو د بنسټ ډبره کېښوده
له پېښو سره د مبارزې آمادګۍ ملي ادارې د لوی رئیس، محترم الحاج ملا نورالدین ترابي په لارښوونه، د ارزګان ولایت له پېښو سره د مبارزې آمادګۍ ریاست د دې ولایت د چوري ولسوالۍ په کمیسان چینې سیمه کې د یو سیفون جوړولو د بنسټ ډبره کېښوده.
د دې پروژې د پرانیستې په مراسمو کې له پېښو سره د مبارزې آمادګۍ رئیس، محترم قاري حضرت الله امدادالله، یو شمېر سیمه ییزو مسؤلینو، تخنیکي ټیم او د کلیو مشرانو ګډون وکړ.
دا پروژه به د یو میلیون (۱,۰۰۰,۰۰۰) افغانیو په لګښت بشپړه شي او له پېښو سره د مبارزې آمادګۍ له لوري تمویل کېږي او موخه یې کروندګرو ته د اوبو د لېږد په برخه کې د آسانتیا رامنځته کول او د وچکالۍ د خطرونو کمول دی.
د یاد ریاست رئیس وویل چې دا پروژه به ډېر ژر بشپړه شي او د خلکو بنسټیزې اړتیاوې به تر ډېره حده پوره کړي.
تاریخ: ۱۴۴۷/۷/۰۹ هـ ق
اداره ملی آمادگی مبارزه با حوادث
