د کابل ولایت په سروبي ولسوالۍ کې ناچاوده توکي کشف او خنثی شول
د کابل ولایت له پېښو سره د مبارزې آمادګۍ ریاست دDAFA ماین پاکۍ مؤسسې د تخنیکي ټیم په ملاتړ، د یاد ولایت د سروبي ولسوالۍ په انګور تاک کلي کې ۱ عدد د پرسونل ضد ماین ، ۲ عدده ناچاودیدونکي توکي او ۷۳۱۵ د چاودیدونکي توکو اوسپنيزې پارچې کشف او په خوندي ډول له منځه یوړلې.
د کابل ولایت له پېښو سره د مبارزې آمادګۍ ریاست له خلکو وغوښتل چې د هر ډول ناچاوده او مشکوکو توکو د لیدو په صورت کې دې له اړوندو مسؤلینو سره اړیکه ونیسي ترڅو یې د خطرونو د مخنیوي لپاره اړین اقدامات ترسره شي.
د یادونې وړ ده، چې د خلکو د ځان او مال د خوندیتوب لپاره د ولایت په کچه د ماینونو او ناچاوده توکو د موندلو او له منځه وړلو لپاره دا لړۍ دوام لري.
نېټه: ۱۴۴۷/۶/۲۳ ه.ق
له پېښو سره د مبارزې آمادګۍ ملي اداره
