د غزني ولایت له پېښو سره د مبارزې آمادګۍ ریاست ۹۵ زیانمنو کورنیو ته خوراکي مرستې ووېشلې
له پېښو سره د مبارزې آمادګۍ ملي ادارې د لوی رئیس، محترم الحاج ملا نورالدین ترابي د لارښوونې پر بنسټ، د غزني ولایت له پېښو سره د مبارزې آمادګۍ ریاست په یاد ولایت کې د ګډې کمېټې له سروې وروسته ۹۵ زیانمنو او مستحقو کورنیو ته خوراکي مرستې ووېشلې.
په دې لړۍ کې هرې کورنۍ ته ۵۰ کیلو اوړه، نیم کیلو چای او ۵ کیلو بوره ووېشل شوه.
د غزنې ولایت له پېښو سره د مبارزې آمادګۍ رئیس، محترم مولوي حمدالله بشیر د یادو کورنیو سره د خواخوږي په څرګندولو سره وویل چې د همکارو موسسو له لارې د لا زیاتو مرستو د وړاندې کولو لپاره هڅې روانې دي.
ورته مهال د دې مرستو ترلاسه کوونکو د یاد ریاست دا کار وستایه او د مسؤلینو له لپاره یې د خیر دعا وکړه.
نېټه: ۱۴۴۷/۶/۱۰ هـ ق
له پېښو سره د مبارزې آمادګۍ ملي اداره
