په سمنګان ولایت کې د وروستۍ زلزلې له امله ۴۰۷ زیانمنو کورنیو ته نغدې، خوراکي او غیرخوراکي مرستې ووېشل شوې 

د سمنګان ولایت له پېښو سره د مبارزې آمادګۍ ریاست د همکارو بنسټونو په همکارۍ، د یاد ولایت په خُلم ولسوالۍ کې د وروستۍ زلزلې له امله ۴۰۷ زیانمنو کورنیو ته نغدې، خوراکي او غیرخوراکي مرستې ووېشلې.
په دې لړۍ کې د خوړو نړیوال پروګرام (WFP) هرې کورنۍ ته، ۱۰۰ کیلو اوړه، ۱۰ لیټره غوړي، ۱۲.۵ کیلو دال، ۳ کیلو سوپر سریال، ۱.۵ کیلو پلمپي او ۱ کیلو مالګه ووېشله.
همدا راز، د کډوالۍ نړیوال سازمان (IOM) له لوري هرې کورنۍ ته ۸۵۰۰ افغانۍ نغدې مرستې او د KAF محترمې موسسې هم هرې کورنۍ ته یوه تخته کمپله او یو تخته ترپال ووېشل شو. 
د سمنګان ولایت له پېښو سره د مبارزې آمادګۍ رئیس، محترم مولوي احسان الله احسان ووېل چې د دې پروګرام موخه زلزله ځپلو بېړنۍ رسېدنه او د ژمي په فصل کې د هغوی د ستونزو کمول دي.

نېټه:۱۴۴۷/۵/۲۰ هـ ق
له پېښوسره د مبارزې آمادګۍ ملي اداره