د جوزجان ولایت د خواجه دو کوه ولسوالۍ په قزل ایاق خور کلي کې ناچاوده توکي کشف او خنثی کړل شول
له پېښو سره د مبارزې آمادګۍ ملي ادارې د ماینپاکۍ د همغږۍ او انسجام ریاست، د بیړنۍ اړیکې شمېرې (078606060) له لارې د ترلاسه شوي اړیکې پر بنسټ، د اومر مؤسسې د بېړنۍ ځواب وینې ټیم د جوزجان ولایت د خواجه دو کوه ولسوالۍ په قزل ایاق کلي ته د عملیاتو لپاره ولېږدوه.
د دې عملیاتو په ترڅ کې، یاد ټیم ٩٣٦ بېلابېل ډوله نا چاوده توکي چې د سیمې د اوسېدونکو ژوند یې له خطر سره مخ کړي و، کشف او په خوندي ډول یې انتقال او له منځه یووړل.
همدارنګه، د جګړو څخه پاتې ماینونو او چاودېدونکو توکو د احتمالي پېښو د مخنیوي په موخه، د سیمې اوسېدونکو ته د ماینونو او چاودېدونکو توکو د خطرونو په اړه د عامه پوهاوي پروګرام ترسره شو او هغوی ته وویل شول چې د هر ډول چاودېدونکو یا مشکوکو توکو د لیدلو په صورت کې دې ژر تر ژره د پورته یادې چټک ځوابوېینې شمېرې سره اړیکه ونیسي.
نېټه: ۱۴۴۷/٣/۲۱ ه.ق
له پېښو سره د مبارزې آمادګۍ ملي اداره
