د لغمان ولایت له پېښو سره د مبارزې آمادګۍ ریاست ۳۹ زیانمنو شوو کورنیو ته خوراکی مرستې ووېشلې
له پېښو سره د مبارزې آمادګۍ ملي ادارې او د RRDPO موسسې تر منځ د لاسلیک شوي هوکړه لیک له مخې، د لغمان ولایت له پېښو سره د مبارزې آمادګۍ ریاست د یادې موسسې په تخنیکي همکارۍ او د خوړو نړیوال پروګرام (WFP) په مالي ملاتړ، د دې ولایت په مرکز مهترلام او علینګار ولسوالی کې ۳۹ زيانمنو کورنيو ته خوراکي مرستې ووېشلې.
په دې لړۍ کې، له سروې وروسته د مسوولینو په شتون کې، هرې کورنۍ ته ۱۰۰ کیلو اوړه، ۹.۱ کیلو غوړی، ۱۲.۵ کیلو دال او ۱ کیلو مالګه ووېشل شوه.
نېټه: ۱۴۴۷/۰۳/۲۱ هـ ق
له پېښو سره د مبارزې آمادګۍ ملي اداره
