د ننګرهار ولایت له پېښو سره د مبارزې آمادګۍ ریاست ١٠٠ زلزله ځپلو کورنیو ته خوراکي او غیر خوراکي مرستې ووېشلې
د ننګرهار ولایت له پېښو سره د مبارزې آمادګۍ ریاست، د یاد ولایت د دره نور ولسوالۍ په بېلابېلو کلیو کې ۱۰۰ زلزله ځپلو کورنیو ته له سروې وروسته خوراکي او غیرخوراکي مرستې وویشلې.
په دې لړۍ کې هرې کورنۍ ته د مسوولینو په شتون کې ۵۰ کیلو اوړه، ۱۰ لیټره غوړي، ۱۰ کیلو وریجې، ٥ کیلو لوبیا، ۷ کیلو بوره، ١ کیلو شین چای، ۲ کیلو خرما، یو باب خېمه او دوه تختې کمپلې ووېشل شوې.
د ننګرهار ولایت له پېښو سره د مبارزې آمادګۍ ریاست ټینګار وکړ، چې د طبیعي پېښو له امله له زیانمنو شویو کورنیو سره به د مرستو لړۍ دوام ولري.
نېټه: ۱۴۴۷/۳/۱٨ هـ ق
له پېښو سره د مبارزې آمادګۍ ملي اداره
