د کابل ولایت له پېښو سره د مبارزې آمادګۍ ریاست د ۸۹ مترو په اوږدوالي یو استنادي دیوال ګټې اخېستنې ته وسپاره
د کابل ولایت له پېښو سره د مبارزې آمادګۍ ریاست، د قرهباغ ولسوالۍ د استرغیچ کلي په سیمه کې د ۸۹ مترو په اوږدوالي یو استنادي دیوال بشپړ او ګټې اخېستنې ته وسپاره.
د دې پروژې د پرانیستې مراسم د کابل ولایت له پېښو سره د مبارزې آمادګۍ رئیس، محترم الحاج مولوي نجیبالله انوري، د مرکزي ادارې د استول شوي پلاوي، د ولسوالۍ د مرستیال، د کلي د ملکانو، مشرانو، سپینږیرو او ځوانانو په شتون کې ترسره شول.
د پرانیستې په دې مراسمو کې د کابل ولایت له پېښو سره د مبارزې آمادګۍ رئیس له خلکو وغوښتل چې د یادې پروژې په ساتنه او مراقبت کې همکاري وکړي.
په همدې حال کې، د سیمې اوسېدونکو د دې پروژې له پلي کېدو څخه خوښي وښوده او هغه یې د پېښو د خطرونو د کمولو په برخه کې یو اغېزمن ګام وباله.
نېټه: ۱۴۴۷/۳/۰۴ ق
له پېښو سره د مبارزې آمادګۍ ملي اداره
