د کنړ ولایت له پېښو سره د مبارزې آمادګۍ ریاست ۴۵۷ زیانمنو کورنیو ته د خوراکي توکو مرستې ووشلې
د کونړ ولایت له پېښو سره د مبارزې آمادګۍ ریاست په دره پیچ ولسوالۍ کې ۴۵۷ زیانمنو کورنیو ته د خوراکي توکو د مرستې د وېشلو لړۍ پیل کړه.
دا پروګرام په رسمي ډول د دره پیچ ولسوال؛ محترم مولوي عبدالله ابو حمزه، د AYSO مؤسسې د مسؤلینو، قومي مشرانو او د کونړ ولایت له پېښو سره د مبارزې آمادګۍ رییس؛ محترم مولوي محمد مبین مفتون عمر په شتون کې پرانیستل شو.
محترم مولوي محمد مبین مفتون عمر د مراسمو په ترڅ کې وویل چې دا مرسته له پېښو سره د مبارزې آمادګۍ ملي ادارې او د AYSO مؤسسې ترمنځ د لاسلیک شوي هوکړه لیک پر بنسټ او د UN_OCHA دفتر په ملاتړ او له پېښو سره د مبارزې آمادګۍ ریاست تر چتر لاندې ووېشل شوه. هغه د جغرافیایي موقعیت له امله د طبیعي پېښو په وړاندې د کونړ ولایت زیانمنونکي والي ته په اشارې سره له ملي او نړیوالو مؤسسو څخه وغوښتل چې د بشري مرستو سربیره دې په دې ولایت کې وقایوي پروژې هم پلې کړي.
ورپسې، د دره پیچ ولسوال؛ محترم مولوي عبدالله ابو حمزه له پېښو سره د مبارزې آمادګۍ ریاست او AYSO څخه د قدرداني کولو ترڅنګ، په دې ولسوالۍ کې د اړمنو خلکو لپاره د لا زیاتې پاملرنې او مرستې غوښتنه وکړه.
په پای کې، ترلاسه کونکو کورنیو د مرستندویه بنسټونو څخه مننه وکړه او د دوی د دوامداره همکارۍ او بریالیتوب لپاره یې د خیر دعا وکړه.
د یادونې وړ ده، چې په دې لړۍ کې هرې کورنۍ ته ٥٠ کیلو اوړه، ٥ لیټره غوړي او ٧ کیلو دال نخود ووېشل شول.
نیټه: ۱۴۴۷/٢/۱۷ هـ ق
له پېښو سره د مبارزې آمادګۍ ملي اداره
