د بامیان ولایت له پېښو سره د مبارزې آمادګۍ ریاست ۷۰۳ اړمنو کورنیو ته نغدي مرستې ووېشلې
له پېښو سره د مبارزې آمادګۍ ملي ادارې او د اکشن اېډ (Action aid) موسسې ترمنځ د لاسلیک شوي هوکړه لیک له مخې، د بامیان ولایت له پېښو سره د مبارزې آمادګۍ ریاست د یادې موسسې په مالي ملاتړ، د دې ولایت د شبر ولسوالۍ اړوند ۷۰۳ اړمنو کورنیو ته تر سروې وروسته نغدي مرستې ووېشلې.
په دې لړۍ کې هرې کورنۍ ته د مسؤلینو په شتون کې، ۳,۰۱۰ افغانۍ ووېشل شوې، چې ټولټال دوه میلیونه یو سل او شپاړس زره او دېرش (۲,۱۱۶,۰۳۰) افغانۍ نغدي پیسې د یاد شمېر کورنیو لپاره ځانګړې شوې وې.
د یادونې وړ ده, چې یاد شمېر کورنیو ته به په راتلونکې یوه میاشت کې نورې نغدي مرستې هم ووېشل شي.
نېټه: ۱۴۴۷/۰۱/۱۸ هـ ق
له پېښو سره د مبارزې آمادګۍ ملي اداره
