د لوګر ولایت له پېښو سره د مبارزې آمادګۍ ریاست ٣٠ سېلاب ځپلو کورنیو ته خوراکي او غیرخوراکي مرستې ووېشلې
د لوګر ولایت له پېښو سره د مبارزې آمادګۍ ریاست، د IOM او WFP دفترونو په ملاتړ، ٣٠ هغو کورنیو ته چې د یاد ولایت په ازره ولسوالۍ کې د وروستیو سېلابونو له امله زیانمنې شوې وې، له سروې وروسته خوراکي او غیرخوراکي مرستې ووېشلې.
په دې لړۍ کې د مسؤلینو په شتون کې، د WFP سازمان لخوا هرې کورنۍ ته ۲۰۰ کیلو اوړه، ۲۵ کیلو دال، ۱۸.۲ کیلو غوړي، ۲ کیلو مالګه، ۲.۱ کیلو بسکېټ، د ماشومانو لپاره ٣ کیلو مغذي مواد، د مېندو لپاره ٦ کیلو مغذي مواد او د IOM سازمان لخوا هرې کورنۍ ته ۳ تختې کمپلې، یوه بسته د پخلنځي توکي، دوه عدده سولري څراغونه، یو تخته پلاستیکي فرش او یو عدد جارو ووېشل شول.
همدارنګه، له یادې جملې ٢ کورنیو ته، چې کورونه یې په بشپړه توګه ویجاړ شوي وو، هرې کورنۍ ته یو باب خېمه هم ووېشل شوه.
نېټه: ۱۴۴۷/۱/۱۶ هـ ق
له پېښو سره د مبارزې آمادګۍ ملي اداره
