د پنجشیر ولایت له پېښو سره د مبارزې آمادګۍ ریاست ۲۰۳ زیانمنو کورنیو ته خوراکي مرستې ووېشلې
د پنجشیر ولایت له پېښو سره د مبارزې آمادګۍ ریاست، د یاد ولایت اړوند ۲۰۳ کورنیو ته چې د سیندونو د اوبو کچې لوړېدو او بارانونو له امله کرنیزې ځمکې یې ویجاړې شوې وې، خوراکي مرستې ووېشلې.
د پنجشیر ولایت له پېښو سره د مبارزې آمادګۍ رئیس، الحاج محب الله جاهد وویل، چې د مرستو وېش د زیانونو د ارزونې ټیم لخوا د کره سروې له مخې او د ولایت مقام سره په همغږۍ، د مستوفیت، د فرامینو د څارنې او تعقیب ریاست د استازو په شتون کې ترسره شو.
نوموړي زیاته کړه، چې په دې پړاو کې هرې کورنۍ ته ۲ بورۍ ۵۰ کیلویي غنم او ۱ بورۍ ۲۵ کیلویي وریجې ووېشل شوې. هغه زیاته کړه چې په راتلونکې کې به د پنجشیر ولایت نورو ولسوالیو زیانمنو ته هم مرستې ووېشل شي.
نېټه: ۱۴۴۶/۱۲/۰۷ هـ ق
له پېښو سره د مبارزې آمادګۍ ملي اداره
