د مالي او اداري ریاست پلاوي د پکتیا, پکتیکا, خوست او لوګر ولایتونو له پېښو سره د مبارزې آمادګۍ ریاستونو د مالي او اداري چارو څارنه وکړه
له پېښو سره د مبارزې آمادګۍ ملي ادارې د سرپرست په لارښوونه, د مرکزي ادارې د مالي او اداري ریاست یو پلاوی, چې پکتیا, پکتیکا, خوست او لوګر ولایتونو ته لېږل شوی و، د یادو ولایتونو له پېښو سره د مبارزې آمادګۍ ریاستونو د مالي او اداري چارو څارنه وکړه او د چارو د ښه والي لپاره یې لازمې لارښوودنې وکړې.
یاد پلاوي د پکتیا, پکتیکا, خوست او لوګر ولایتونو له پېښو سره د مبارزې آمادګۍ ریاستونو څخه لیدنه وکړه او ویې وېل، چې دغه سفر د اسلامي امارت د عالي مقام, د ریاست الوزراء مقام، د مالیې وزارت او د مرکزي ادارې د مشرتابه د احکامو، لارښوونو او مقرراتو د پلي کېدو په موخه ترسره شوی دی.
د دې سفر اساسي موخې، د مالي او حسابي چارو څارنه، د اداري پروسو ښهوالي، د دفترونو تنظیم، د لازمو معیارونو سره سم د خوراکي او غیرخوراکي توکو د ساتنې په موخه د ګدامونو مدیریت، او د دغو توکو د لېږد او ترلاسه کولو د بهیر ارزول دی.
د یادونې وړ ده، چې دغه بهیر به د هېواد په ټولو ولایتونو کې پلي شي.
نېټه: ۱۴۴۶/۱۰/۲۸ هــ ق
له پېښو سره د مبارزې آمادګۍ ملي اداره
