د ننګرهار ولایت له پېښو سره د مبارزې آمادګۍ ریاست ۱٠٠ بیوزله کورنیو ته نغدي مرستې ووېشلې
له پېښو سره د مبارزې آمادګۍ ملي ادارې او د اکټیډ موسسې ترمنځ د لاسلیک شوي هوکړه لیک له مخې، د ننګرهار ولایت له پېښو سره د مبارزې آمادګۍ ریاست د یادې موسسې په ملاتړ، د دې ولایت د مرکز جلال آباد ښار ٨ ناحیې اړوند ۱٠٠ بېوزله کورنیو ته، له سروې وروسته نغدي مرستې ووېشلې.
په دې لړۍ کې هرې کورنۍ ته د مسؤلینو په شتون کې، ١١,٧١٠ افغانۍ ووېشل شوې، چې ټولټال د یاد شمېر کورنیو لپاره ١,١٧١,٠٠٠ ( ١ میلیون او ١٧١ زره ) افغانۍ ځانګړې شوې وې.
د یادونې وړ ده، چې له یاد شمېر بېوزله کورنیو سره دا نغدي مرستې د سرپنا د برابرولو په موخه ترسره شوې.
نېټه: ۱۴۴۶/١٠/١٢
له پېښو سره د مبارزې آمادګۍ ملي اداره
