د غزني ولایت له پېښو سره د مبارزې آمادګۍ ریاست ۱۱۴ زیانمنو شویو کورنیو ته د خوراکي او غیر خوراکي توکو مرستې ووېشلې
له پېښو سره د مبارزې آمادګۍ ملي ادارې او د DRC موسسې تر منځ د لاسلیک شوي هوکړه لیک له مخې، د غزني ولایت له پېښو سره د مبارزې آمادګۍ ریاست د یادې موسسې په مالي ملاتړ، د دې ولایت د قرباغ، مقر، ګیلان او اببند ولسوالیو اړوند ۱۱۴ کورنیو ته چې د اورښتونو له امله زیانمنې شوې وې د خوراکي او غیر خوراکي توکو مرستې ووېشلې.
په دې لړۍ کې، له سروې وروسته د مسؤلینو په شتون کې، هرې کورنۍ ته ۱۰۰ کیلو غنم، ۲۵ کیلو وریجې، ۲ تختې کمپلې او یو عدد سطل ووېشل شو.
نېټه: ١٤٤٦/٩/٢٤
له پېښو سره د مبارزې آمادګۍ ملي اداره
