د هلمند ولایت له پېښو سره د مبارزې آمادګۍ ریاست د نوزاد ولسوالۍ په علي آباد سیمه کې د اوبو بند د ترمیم کار پیل کړ
د عالیقدر امیرالمؤمنین (حفظهالله) د فرمان له مخې، چې هر ولایت ته د بیړنیو وقایوي پروژو د پلي کېدو لپاره یې ۱,۰۰۰,۰۰۰ افغانۍ ځانګړې کړې دي، او دا وقایوي يروژې به له پېښو سره د مبارزې آمادګۍ ملي ادارې لخوا پلي کېږي. د هلمند ولایت له پېښو سره د مبارزې آمادګۍ ریاست د نوزاد ولسوالۍ په علي آباد سیمه کې د اوبو بند د ترمیم کار د ۱,۰۰۰,۰۰۰ افغانیو په لګښت پیل کړ.
د اوبو دا بند چې مخکې د یاد ولایت مقام لخوا جوړ شوی و, خو ځینې کارونه یې پاتې وو چې اوس مهال له پېښو سره د مبارزې آمادګۍ رئیس الحاج مولوي جمعه خان مستقیم او سیمه ییزو مسؤلینو په شتون کې د اوبو بند د بشپړېدو کار پیل شو.
د دی کار په بشپړېدو سره د بارانونو اوبه په دی بند کې ذخیره او د سېلابونو خطرونه به را کم شي. همدارنګه, د کرنیزو ځمکو لپاره به هم ګټور تمام شي.
د سیمې اوسېدونکو له پېښو سره د مبارزې آمادګۍ ملي ادارې له دې اقدام څخه مننه او قدرداني وکړه.
نېټه:۱۴۴۶/۰۹/۱۹
له پېښو سره د مبارزې آمادګۍ ملي اداره
