د کابل ولایت له پېښو سره د مبارزې آمادګۍ ریاست ۱۱۶ زیانمنو کورنیو ته نغدي, خوراکي او غیرخوراکي مرستې ووېشلې
د کابل ولایت له پېښو سره د مبارزې آمادګۍ ریاست, د کابل ښار په بېلابېلو ناحیو او شکر دره ولسوالۍ کې د وروستیو واورو او بارانونو له امله ۱۱۶ زیانمنو کورنیو ته نغدي, خوراکي او غیرخوراکي مرستې ووېشلې.
دغه ریاست د نه آنلوس موسسې په همکارۍ, له یاد شمېر کورنیو څخه ۸۰ زیانمنو او اړمنو کورنیو ته د کابل ښار په نهمه ناحیه کې, له پېښو سره د مبارزې آمادګۍ ملي ادارې او د یادې موسسې ترمنځ د هوکړه لیک له مخې هرې کورنۍ ته د دویم قسط ۱۰۰ ډالر او په مجموع کې ۸۰۰۰ ډالر ووېشل.
ورته مهال, له پېښو سره د مبارزې آمادګۍ ریاست د واورو او بارانون له امله ۱۶ زیانمنو کورنیو هرې یوې ته ۵۰ کیلو اوړه, ۵۰ کیلو غنم, ۲۵ کیلو وریجې, ۳ بستې چپس ۳ لیټره غوړي, ۷ بستې سجي اوړه او ۱ کارټن مګي آش ووېشل.
همدارنګه, د یاد ریاست له لوري د کابل ښار په ۴, ۹, ۱۲ او ۱۴ ناحیه کې ۲۰ زیانمنو کورنیو هرې یوې ته ۵۰ کیلو غنم, ۲۵ کیلو وریجې, ۱ بورۍ مکروني, ۱ بسته ژمني توکي, ۲ تختې کمپلې, ۵ جوړه جامې او ۲ جوړه بوټونه ووېشل شول.
نیټه: ۱۴۴۶/۷/۱۲
له پېښو سره د مبارزې آمادګۍ ملي اداره
