د ننګرهار ولایت له پېښو سره د مبارزې آمادګۍ ریاست ۶۴مستحقو کورنیو ته نغدي او غیر نغدي مرستې ووېشلې
له پېښو سره د مبارزې آمادګۍ ملي ادارې او د DRC موسسې ترمنځ د هوکړه لیک له مخې, د ننګرهار ولایت له پېښو سره د مبارزې آمادګۍ ریاست د یادې موسسې په مالي همکارۍ، په شېرزاد ولسوالۍ کې ۶۴ مستحقو کورنیو ته له سروې وروسته د ژمنیو اړتیاوو پوره کولو په موخه نغدي او غیر نغدي مرستې ووېشلې.
دا مرستې د یاد ریاست او د موسسې د استازو په شتون کې هرې کورنۍ ته ۱۹۰۴۰ افغانۍ او ۵ تختې کمپلې او په مجموع کې ۱۲۱۸۵۶۰ (۱ میلیون، ۲۱۸ زره او ۵۶۰) افغانۍنغدي پیسې یاد شمېر کورنیو ته ووېشل شوې.
نیټه: ۱۴۴۶/۷/۷
له پېښو سره د مبارزې آمادګۍ ملي اداره
