د بدخشان ولایت له پېښو سره د مبارزې آمادګۍ ریاست په فیض آباد کې د پامیر بېځایه شویو ته خوراکي او غیرخوراکي مرستې ووېشلې
د بدخشان ولایت له پېښو سره د مبارزې آمادګۍ ریاست, د واخان ولسوالۍ د پامیر زیانمنو او بېځایه شویو ۱۰ کورنیو ته خوراکي او غیرخوراکي مرستې ووېشلې.
دغه کورنۍ چې ۳۵ کسان پکښې شامل دي، د سختې یخنۍ او پرلهپسې بارانونو له امله له جدي اقتصادي او روغتیايي ستونزو سره مخ وې او فیضآباد ښار ته بېځایه شوې دي. هرې کورنۍ ته ۲۵ کیلو وریجې، ۳ تختې کمپلې، ۳ تختې روجایي، ۷ عدد بالشتونه، د ماشومانو ۱ بسته جامې، د ماشومانو ۱ بسته کېټ، ۱ عدد ښځینه جاکټ, ۱ عدد نارینه جاکټ، د ماشومانو ۲ جوړه بوټونه، ۳ جوړې جرابې، ۱ تخته ځانپاک، ۱ درجن پیالې او۱عدد بنیان ووېشل شول.
۱۴۴۶/۷/۵ ه ق
له پېښو سره د مبارزې آمادګۍ ملي اداره
