د ننګرهار ولایت له پېښو سره د مبارزې آمادګۍ ریاست ۹۲ سېلاب ځپلو کورنیو ته د کورونو د ترمیم لپاره نغدي مرستې ووېشلې
له پېښو سره د مبارزې آمادګۍ ملي ادارې او د DRC موسسې ترمنځ د لاسلیک شوي هوکړه لیک له مخې، د ننګرهار ولایت له پېښو سره د مبارزې آمادګۍ ریاست د یادې موسسې په مالي ملاتړ، په کوزکونړ او بهسود ولسوالیو او مرکز جلال آباد ښار کي اړوند ۹۲ کورنیو ته چې د سېلابونو له امله یې کورونه ویجاړ شوي وو د کورونو د ترمیم لپاره یاد شمېر کورنیو ته نغدي مرستې ووېشلې.
په دې لړۍ کې د یاد ریاست او موسسې استازو په شتون کې هرې کورنۍ ته د لومړي قسط له ۱۳۷۵۰ نه تر ۲۱۰۰۰ افغانۍ او په مجموعي توګه ۱،۶۳۹،۳۰۰ افغانۍ ووېشل شوې.
د یادونې وړ ده چې په راتلونکې کې به هم دغه ډول مرستې دوام وکړي.
نېټه:۱۴۴۶/۶/۱
له پېښو سره د مبارزې آمادګۍ ملي اداره
